✍️ هنــــــــــــد جمــــــــــال ،،،
الثلاثاء23يونيو2026/ 04:17م
حوالي 85% من أطفال التوحد عندهم مشكلة في النوم وفقا للأبحاث العلمية ،،
طيب المشاكل دي بيكون شكلها ازاي؟
*صعوبة في الدخول في مرحلة النوم العميق .
*بيصحي في نص الليل وميعرفش يرجع للنوم تاني .
* سعات يقعد يفكر في أحداث يومه سواء كانت حلوة او وحشة.
طيب ايه أسباب المشاكل دي؟؟؟
1.اغلب اطفال التوحد بيكونو عرضه لأمراض او أضطرابات تانية زي. القلق، الأكتئاب، مشاكل في الجهاز الهضمي، أو فرط الحركة.
2. أو ممكن يكون بسبب أدوية بياخدها بيكون ليها تأثير علي نومه.
3. ممكن يكون عنده مشكلة أو مستويات متلغبطه في هرمون الميلاتونين المسئول عن النوم،في العادي بيزيد هرمون الميلاتونين في الليل ويقل فى النهار بسبب أشعة الشمس.
لكن أطفال التوحد بيكونو عكس كدا فبيسبب عندهم مشكلة في النوم.
4.ممكن يكون عنده مشاكل حسية تجاه أي ضوء أو ملمس فبيقوم فاجأه أول مايتعرض لأي حاجه من دول.
5.اخيراً ممكن يكون عنده صعوبة في فهم الإشارات الإجتماعية مبيكونش مدرك ان دا الوقت المناسب للنوم وصعب توصله فكرة النوم.
