كتبت : هند جمال
إنت مش بتعمل الصح علشان اللي قدامك يستاهل،
إنت بتعمله علشان إنت من الأصل معدنك نضيف،
ابن ناس متربّي على الأصول،
اللي اتعلم يحافظ على شكله قبل ما يردّ على الإساءة،
واللي عارف إن الكلمة الحلوة منه مش ضعف،
وإن الاحترام مش مشروط بردّ فعل.
في ناس تفتكر طيبتك غباء،
وفي ناس تفتكر سكوتك خوف،
بس الحقيقة إنك فوق ده كله،
لإنك بتتعامل من مبدأ مش حسب الشخص اللي قدامك.
خليك دايمًا زي ما إنت،
صاحب موقف، مش رد فعل.
مفيش أحلى من إنك تفضل نضيف من جوّه،
حتى لو اللي حواليك مقدروش طيبتك وأصلك الطيب.
