✍️ هند جمال ،،،
الخميس11يونيو2026/ 12:35ص
لما تتجوز بنت أصول شبعانة مش هتتكسف تقولها
ممعيش فلوس .
لما تروحوا مكان مش هتبقي عاوزه تشتري كل حاجه تقابلها ومسروعهة علي كل حاجه تشوفها كأنها عمرها ما شافتها.
هتلاقي عينها مليانه باقتناع ومش عاوزه فعلا حاجه لأنها حاسه انها عندها كل حاجه حتي لو معندناش أى حاجة.
لما تتجوز بنت أصول مش هتتمنظر بأي حاجه عشان تبين للناس اد ايه هي مهمة لأن في الغالب دي محدثة نعمة! أيوه متستغربش!
لما تتجوز واحده شبعانه هتلاقيها الناس بتحبها من غير سبب لأنها اتعودت تدي مش تاخد.
هتلاقيها في عز أزماتك راجل في ظهرك مش بتضغطك لحد ما تخرج عن شعورك .
هتلاقيها بتسامح و بتنسي مهما كان قساوة الموقف.
هتلاقيها مهما كانت بنت ناس بتتعلم كل حاجه عشانك.
مش هتقولك انت جايبني ليك خدامة زي ما بنشوف!
بالعكس هتلاقيها بتتعلم أى حاجه عشان بيتها يكمل
سعادة وامان.
لما تتجوز بنت أصول شبعانه مش هتورطك في حوارات أكبر منك لمجرد أنها نفسها ترسم الدور علي اللي حواليها!
هتلاقيها في عز خنقتها بتطبطب عليك مع إنها هى الى محتاجة الطبطبة.
هتلاقيها مقدره اي حاجه بتعملهلها
مهما كانت صغيرة.
اتجوزوا بنات الأصول عشان دول اللي هيبقوا سندكم
بعد مالزمن ياخد كل التفاصيل و الصحة تروح و المال و ميبقاش الا المعدن اللي لو صدي مش هتتحمله يوم لأنه هيكون أكل منك حته حته مع مرور الزمن ومع أول سقوط ليك هتسيبك و تدور علي حد جديد!!
