✍️ هنــــــــد جمـــــــــال
الثلاثاء٣١ـ٣ـ٢٠٢٦/ ٩:٠٠م
بنت الأصول تكمَلك و تساعدك و تسعدَك و تنفع بيت و سكن و أمان
لو مال بيك الحال تسندك بدون ملل ولا معايرة ، و تصبر معاك و جنبك ، تحِب التراب اللي بتمشي عليه و تبر اهلَك و تصونهم و تعرف أن قيمتهُم من قيمتَك و كرامتهُم من كرامتَك
بنت الأصول ،،،
وانت بره البيت تبقى راجل و انت جوه البيت تبقى اجمل سِت ليك لوحدَك ، عارفه حدودها و خارجة من بيت رجالة و من تحت سقف بيت تكوينه عظيم و تربية أب عاقل و حنين و حكيم و كريم..
هتلاقيها شبعانه من كل شئ ومابتبصش لغيرها أيا كان اللي ف ايدُه لأنها عفيفة ومتعففه وعينها مليانة.
بنت الأصول،،،
تهَون عليك الصعب و عمرك ما تهون عليها ، تفرح بيك و معاك بكل رزق ونجاح ، وتحفظ سرك و تدعم انجازك و تشاركك فيه و تدفعك له وهي مبسوطة و مقتنعه ، القليل منك كتير في عينها و الكتير من غيرك مالوش لازمة عندها ، وكلمتك الحلوة عندها تسوى الدنيا باللي فيها !؟
بنات الأصول،،،
لما بيدخلوا البيوت بيضحوا بكل شئ ، و اي شئ و بيتحملوا أي صعب عشان البيت و الراجل اللي حبها واختارها دوناً عن بنات العالم
بنات الأصول في الزمن ده اغلى من الدهب، ولما تيجى تختار اختار بنت الأصول!
