**صوت الحياة**
خلي علبة السجاير ب ٥٠٠ جنيه وخلي الشيشة و جميع أجهزة التدخين زيادة ٢٠٠٪ وخلي سعر الخمور ب ٥٠٠٠ جنيه
خلي الفيسبوك باشتراك شهري علشان ربنا يرحمنا من الأشكال الضالة اللي بتطلع لايف
خلي في رقابة على التيك توك وأي محتوى غير هادف صاحبه يدفع غرامة ٥٠٠٠ ج
خلي في رسوم علي صناع المحتوى الكاميرات واليوتيوبر،
خلي مخالفة إن عيل قاصر يسوق العربية ٥٠،٠٠٠ جنيه
خلي أسعار تذاكر السينما ٥٠٠ جنيه ١٠٠٠ جنيه كمان
خلي الضريبة الأعلي ع العربيات فوق المليون جنيه
خلي الضريبة الأعلي علي امتلاك أكثر من سيارة
خلي الرسوم علي اللي بيشتري الفيلا اللي ب ٣ جناين
خلي في تبرع إجباري ب ٥٠٪ من أجور الممثلين
خلي في ضريبة ع كل مهرجان أو أغنيه شعبيه جديدة
خلي في رسوم علي المغني اللي بيغني في الفرح
خلي رسوم الفرح علي الفرح اللي فوق ال ١٠٠ الف جنيه
خلي دماغك مع اللي بيرموا فلوس في الأرض و كل الناس عارفه هما مين و سيبك من اللي شقيان
بس إبعد عن سعر العيش والسكر والملح والخضار واللحمة والبنزين والكهرباء والمواصلات والعلاج وإيجار السكن والبامبرز ولبن الاطفال والفراخ والسمك والبيض
ابعد عن قوت المواطن الي طافح الدم طول الشهر علشان مرتب مابيكفيش بيته وعياله ليوم ٥ ف الشهر
إبعد عن أب نفسه يجيب لعياله الحجات الي بيحبوها بس انت مغليها عليه وكاسر قلبه ع عياله إبعد عن أم نفسها تعمل اكله حلوه لعيالها وزوجها بس منين وهي مش لاقية
إبعدوا عن قوت المواطن الغلبان.
