كتبت/ سماح السيد
عايزه تحافظ علي أستقرار بيتها وتحافظ علي زوجها*
لازم تعرفي أهم خمس صفات يكرهها الرجل في المرأة نهائيًا ،،،
الصوت العالي : سواء معاه أو مع الأولاد في وجوده لأن أي راجل بيكره إن زوجته صوتها يكون عاااالي في البيت خصوصًا في وجوده في البيت.
السيطرة : دي جينات عند أي راجل لازم هو اللي يسيطر على البيت لأنه باختصااااار شديد هو الراجل مش حضرتك
وده لا يتعارض مع إنك تنصحيه لو شايفه حاجة غلط وإنه يقبل منك هذه النصيحة.
لكن من غير ما يوصل له إن دي محاولات للسيطرة منك على زمام البيت لأنه ساعتها لو كان راجل فعلاً هيحصل مشاكل وغالبا حضرتك اللي هتخسري.
العند : طبعًا أسوء صفة انتشرت في نساء كتير في زماننا
الراجل بيعشق الزوجة اللي بتقول حاضر و نعم دي اللي بتمتلك قلب زوجها فعلاً.
لكن العنيدة غالبًا بتخسر زوجها مع الوقت و مرور الزمن
النكد : لأن كل الرجالة متجوزين عشان يفرحوا و يرتاحوا مش العكس.
الإسترجال : ودي كفيلة بخراب البيت لأن محدش حابب يكون متجوز مغاوري صاحبه.
