كتبت : هند جمال
“الونس فى مرحلة من حياتك اهم بكتير من الحب،
الونس انك تلاقي حد جمبك تعرف تكلمه فى أى وقت
وتقدر تاخد وتدى معاه وتسألة رائيك ايه
من غير خوف ولا حواجز لأن عندك ثقة فية وفى كلامه،
الونس إن حد يرد عليك النفس
ويدور عليك إنت فين واتاخرت لية
يسألك مالك زعلان لىه ويخليك تفضفض معاه من قلبك
لأن عمره ما تهون علية تفضل زعلان،
الونس لما يلاقيك بتقع يسندك من غير إنتظار ولا مقابل،
الونس عكازك فى الحياة لما تكبر،
الونس مش دبله فى صباع ولا خانة فى بطاقه،
الونس روح بتطبطب على روح،
روح تلاقيها جمبك مهما ضاقت بيك الايام،
الونس روح بترد فيك الروح.
