كتبت د: شيماء محمد
ليه المتحف ده مش مجرد صرح، ده الهرم الرابع فعليا
أهم من انك تلبس زي فرعوني وتضعه على صفحتك لتتفاخر، المهم أن تفهم،،
1ـ أكبر متحف في العالم مخصص لحضارة واحدة
بيحكي القصة الكاملة للحضارة المصرية القديمة،
كل قاعة مخصصة لفترة زمنية بتسلسل تفاعلي حديث يخليك تعيش رحلة آلاف السنين من العلم والعبقرية.
2ـ متحف بلا قطعة مسروقة كل المعروضات تم اكتشافها داخل الأراضي المصرية، وده يجعله “أشرف متحف على وجه الأرض.”
3ـ فيه أكتر من 100 ألف قطعة أثرية مصرية، وده رقم يفوق مجموع القطع المعروضة في متاحف عالمية كبرى.
4ـ رحلة بناء استمرت أكتر من 17 سنة.. على مساحة 500,000 متر مربع يعني حوالي 70 ملعب كرة قدم! منها 40,000 متر مساحة عرض فقط.
5ـ يضم 12 قاعة رئيسية للعرض منها قاعة الملك توت عنخ آمون وحدها مساحتها 7,500 متر، وفيها أكتر من 5000 قطعة هتتعرض لأول مرة في التاريخ.
6ـ المتحف المصري الكبير فيه أكبر مركز للترميم على مستوى الشرق الأوسط وأفريقيا، مجهزًا بأحدث التقنيات للحفاظ على التراث للأجيال القادمة.
7ـ المتحف حاصل قبل افتتاحه على 8 شهادات ISO و 5 جوائز دولية منها الشهادة الذهبية للبناء الأخضر والاستدامة، وجائزة اليونسكو “بري فيرساي”، وتصنيفه ضمن أجمل 7 متاحف في العالم.
