عقلك يصنع الأحداث

كتب: كريم أحمد
عقلك يصنع الأحداث،،،
عقلك دايما لما بيفكر في أفكار سلبيه أو إيجابيه إنت بتكون بشكل تلقائي بتديلوا أوامر في صناعة الأحداث والسيناريوهات وده اللي بيسموه في علم النفس نظرية العقل الباطن اللي بيسيطر على عالم الأفكار والأحداث بتاع العقل الظاهر،،
فلو إنت في وقت فراغك دايما بيجي على خواطرك أفكار سلبيه كتير بتحس فيها بالقلق والتوتر والخوف ومش عارف ايه اللي ممكن تعمله أو يحصل إيه إنت بالظبط كده كأنك بتدي أوامر لعقلك الباطن إن أنا عاوز الأحداث دي تيجي وتحصل فتبص تلاقيها بتحصل بحق وحقيقي وتلاقي نفسك فيها بحق وحقيقي على أرض الواقع بقوة التخاطر ،،
لكن تخيل مهما انت كنت إنسان غرقان في مشاكل كتير وتحديات وضغوط كتير وفكرت تفكير إيجابي بينك وبين نفسك بصوت عالي هتلاقي كل الأفكار دي حصلت في شكل أحداث واقعية لإن قوة التخاطر النفسي عندك ترجمت الأفكار الإيجابيه دي في شكل أحداث واقعيه شوفتها بعينك بتحصل معاك أو بتحصل لحد غيرك بطريقة غير مباشرة فبتكون إشارات جايلك تساعدك وتخفزك على التفائل،،
فزي ما أنت بتعتقد في نفسك أو في الأحداث المستقبليه اللي ممكن تحصل كل ده بيترجم على أرض الواقع وبيتحقق بشكل فعلي في عالم العقل الظاهر والأحداث الفعليه،،
وده بالظبط اللي إترجم في الثقافة الإسلاميه بتاعتنا بكلام الصحابي الجليل عبدالله بن مسعود رضي الله عنه ( البلاء موكل بالقول)،،
وكذلك قول الرسول صلى الله عليه وسلم ( أنا عند حسن ظن عبدي بي فاليظن بي ما يشاء)
لإن إعتقادك في نفسك بينبع بشكل أساسي من حسن الظن والتوكل على الله معتقدا فيه إنه هو وحده مسبب الأسباب وهو صاحب الجزاء وإنك كبشر مالكشي غير سعيك مجهودك وبس ..
وخلي بالك علماء النفس أثبتوا إن ٨٠٪ من الأحداث والنتائج اللي بتحصل في الحياه مبيقدرشي يسيطر عليها الإنسان بتصرفاته وأفعاله و ٢٠٪ بس هو اللي بيقدر يتحكم فيه وهو أفكاره اللي بيتبني عليها تصرفاته ودي اسمها منطقة حيز الوعي ..