كتبت/ هيام حيدر
بعض الشباب يوم زفافهم ,,
الاول
يقوم نازل وبايس رجل أمه قدام المعازيم!
التاني,,
بيلبس أمه الذهب والشبكة قبل مايلبسها لعروسته!
التالت
يصمم ان أمه تقعد جنبه طول الوقت على الكوشه!
ويأكلها ويشربها..وامه اخر انبساط !
والعروسه تتابعهم في يوم عرسها بحسرة!
الرابع
بيرقص مع أمه وماسك فيها وماسكه فيه!
مع نظرات أمه لعروسة ابنها..وكأنها بتقول لها إنه ملكها!
إيه العيال د ى وإيه الامهات دي!
هو في إيه ياجماعه!
يعني حبكت تبوس رِجل أمك قدام المعازيم!
لو دورنا وراك ياممحون.. هنلاقيك مطلع عينيها!
وماصدقت تخلص منك وتجوزك وتستريح منك
طيب عاوز توصلنا رساله تقول فيها ان أمك!
ليها خير عليك طيب ما هو كل الأمهات زي امك!
ياننوس روح امك !
وانت يعني ايه تلبس امك الشبكة والدهب قبل ماتلبس عروستك
عاوز توضحلنا ان امك أغلى عندك من عروستك!
ماشي ياخفيف ياابن امك..لما امك عندك اغلي !
ماكنت توفر على نفسك مصاريف الجواز !
وتقعد جنبها زي البيبي الصغير!
طالما كله هبل × هبل عاوز أسألك سؤال،
إيه اللي منع ابوك يِشْبُك امك يوم فرحك بدلا منك!
انت عاوز تقولنا ان امك اهم عندك من البنت,
اللي داخله بيتك بعد ساعتين فرح وهتبقى
مراتك وام عيالك ،ماشي ياخفيف!
فعلا حاجات تفقع المرارة!
وتجيب الحصوات والجلطات والقولونات..
هو إيه اللي بيحصل لنا ده؟
هبل وعبط وتقليد خايب
والدنيا مقلوبة ،،ياعم مقلوبة
وعجبى على تقاليد الشباب والشابات!!!!
