هند جمال
الأحد ٢١ـ١٢ـ٢٠٢٥ ١٢:٢٥ص
١٠ نصايح لـ شهر رجب عشان تجهز قلبك لاستقبال رمضان.
١- مش تقيلة خالص إنك تصوم الاثنين والخميس، احنا ف الشتاء يعني الصيام ١٢ ساعة بس وبيروح منهم كام ساعة الصبح بنكون نايمين والجو حلو مفيش عطش فَـ ماتستتقلش الموضوع دي حسنات مضاعفة.
٢- القيام:
حتي لو هتصلي ركعتين بعد العشاء وتوتِر بركعة برده هتأخد الثواب، ولو مش قادر النبي ﷺ قال “مَن قرأ آخر آيتين من سورة البقرة كفتاه”. العلماء قالوا تكفي المسلم قيام تلك الليلة أو تكفيه السوء في تلك الليلة.
٣- القرآن الكريم:
حاول تقرأ ماتيسر من القرآن حتى لو آيتين، المهم المصحف يتفتح كل يوم، حط نية لله عشان تأخد أجر، وافتكر إن الأجر مضاعف لا تضيع الفرصة دي.
٤- الصدقة،
حتى لو المبلغ قليل لكن ثوابه مضاعف يعني ضعف العشر أمثال وتضاعف إلى سبعمائة ضعف ،إن الله يضاعف لمن يشاء، متخيل!
وفيه صدقات ممكن تعملها أكتر من مرة في اليوم مش هتكلفك حاجة خالص، تساعد حد محتاج مساعدة، تضحك في وش حد، أو تقول كلمة طيبة.
٥- متبطلش تدعي
لا تيأس، ادعي بكل حاجة بتتمناها مفيش حاجة مستحيلة على ربنا، متدعيش بالقليل كرم ربنا مالوش حدود، ادعي بكل يقين ومتنساش حبايبك وأموات المُسلمين وجهز دعواتك لرمضان زي ما أهل الله كانوا بيعملوا.
٧- اذكر ربنا وخلي سبحتك في إيدك طول الوقت أو سبح على يدك أو كرر بلسانك .
حتى لو ماشي في الطريق خلي الذكر دايمًا علي لسانك ونوّع مابين الاستغفار والصلاة ع النبي ﷺ والتكبير والحمد والتسبيح..
٩- بقدر المستطاع استفيد بكل السُنن،،
– أذكار الصباح والمساء.
– النوم على وضوء وأذكار النوم.
– سورة المُلك قبل النوم.
– ١٢ سُنه ركعتين قبل الفجر ، ٤ قبل الضهر و٢ بعده ، و٢ بعد المغرب و ٢ بعد العشاء.
– لو بتحب حد قوله إنك بتحبه في الله.
– الدعاء بظهر الغيب لغيرك.
– كظم الغيظ.
شوفوا حاجات بسيطة لكِن سُنة وعليها ثواب مُضاعف بإذن الله في الأيام الجميلة دي.
١٠- مش هيبقي نفاق منك أبدًا إنك تصلح نفسك الفترة دي تحديدًا عشان تجهز قلبك وروحك لرمضان، ملكش دعوة بكلام الناس وحاول بكل ما أوتيت من جُهد.
تقبّل الله منّا ومنكم صالح الأعمال.
