كتب/عبدالرحمن أحمد،
بستغرب جدا من الناس اللي مبتهاجمش الأهلي طب ليه لازم نهاجم الأهلي.
لازم نهاجم الأهلي عشان أكثر نادي في العالم تحقيقا للبطولات برصيد 151 بطولة و بييجي بعده أندية أوروبية عريقة.
لازم نهاجم الأهلي عشان كان أحد أطراف نهائي دوري أبطال أفريقيا في آخر سبع نسخ ست مرات و فاز بالبطولة أربع مرات من سبعة.
لازم نهاجم الأهلي عشان اكتر نادي فاز ببطولة الدوري المصري برصيد 43 مرة.
لازم نهاجم الأهلي عشان هو النادي المصري الوحيد اللي مثل مصر في كأس العالم للأندية.
لازم نهاجم الأهلي عشان أي بطولة يدخلها لازم ياخدها.
الحقيقة برغم كل الإنجازات اللي حققها لازم نهاجم الأهلي عشان كل يوم المسافة بينه وبين أقرب المنافسين بتزيد و الفرق شاسع في المنظومة والإمكانيات.
مع إن لو فكرنا بالعقل نلاقي إن الأهلي هو المنظومة الرياضية الأنجح في مصر والوطن العربي بالأرقام.
آه فيه بعض الإخفاقات وبعض الكبوات بس بيرجع تاني أقوى من الأول ، خسر بطولة ده طبيعي في عالم كرة القدم.
بلاش الانتقادات الهدامة اللي ملهاش لازمة لان لو بصينا على قوام المنتخب اخر عشرين سنة هنلاقي إن الأهلي هو المورد الرئيسي لإخراج لاعبين للمنتخب.
لو الأهلي وقع المنتخب يقع و العكس صحيح.
