كتبت: سميره وجيه
أخصائيه الصحه النفسيه واستشاري الإرشاد الأسري
ايه هيا انجازات العلاقة الزوجية
شقة سوبر لوكس
دهب بالجرامات وبالكيلو
فسح وخروجات
كلام معسول طول اليوم فطار وغدا وعشاء
اكيد كل دول حلوين ومطلوبين وبيفرحوا وكل حاجه ولكن الانجازات الحقيقيه ايه هيا
لما تقدر تكسب قلب مراتك بالحنيه والرجولة الصحيحه وليس الذكوره
لما تقدر تحميها وتدافع عنها وتشعرها بالامان لما توصل درجه الامان عندها أنها تسمع بس صوت مفتاح الباب وانت راجع تجري عليك زي الطفله الصغيره اللي ابوها جايب ليها حاجه حلوه تفرحها لما تدخل تنام حتي لو النور قاطع وهيا علي يقين بالاطمئنان لمجرد نفسك في البيت لما تقدر تخليها صحبتك مش بس مراتك وتحكيلك وتسمعها وتحكيلها وتساعدك لما تلغي كلمه اهلي واهلك وتكون كرامتها من كرامتك ليس أكثر
لما تعوضها حنان ابوها بوجودك
هيا دي الانجازات الحقيقيه لأي رجل حقيقي اتقوا الله في نسائكم وما حدش يقول اصلها عصبيه لانك سبب عصبيتها لو كنت احتويت ودلعت واهتميت كانت تبقا ورده بتتفتح كل يوم علي ايدك مش تذبل والآخر تبقا سيئه ومش عاجبك والدليل ليه الست لما بتنفصل بتحلو اكتر وصحتها ترد عشان بعدت عن الضغط النفسي اللي كان الرجل محمله ليها خدوا بالكم من زوجاتكم ثم بناتكم لأنهم جميعا امانه عندكم.
