كتبت : هند جمال
علموا أولادكم الجدعنه والواجب واحترام الكبير والصغير
كفايه أجيال ماسخه متعرفش حاجه عن الواجب والاصول
علموهم يعني أيه لمه العيله والعزوه والاهل علي الحلوه والمُره
علموهم حب الدين والوطن والكرم والاخلاق والتسامح والمحبه
علموهم زياره المريض .علموهم يحترموكم ويكبروكم قدام الناس
علموهم يباركوا ويهنوا كل الناس .علموهم صله الرحم واجبه عليهم
عرفوهم اصلهم وقرايبهم … خدوهم المواجب زي ما بتخدوهم الافراح
علموهم يعيشوا لغيرهم مش ليهم وبس علموهم ياخدوا في أيدهم حاجه في الزيارات
علموهم ان زياره العم والعمه والخال والخاله مش سخافه ولا حاجه تقيله دي واجب عليهم وهتترد ليهم في وقت كبر سنهم … علموا اولادكم الحياه الصحيحه
