هند جمال
الأربعاء7مايو2025م
الست مش محتاجة راجل علشان تعيش،
ولا علشان يكمّلها، ولا يثبتلها إنها قوية أو لا.
هي أصلًا قوية من غيره، وشايلة مسؤوليات ومواقف وظروف كتير يمكن هو نفسه مكنش هيستحملها.
الست مش محتاجة راجل علشان يصرف عليها،
هي ممكن تشتغل وتكافح وتجيب حقها بإيديها.
مش محتاجة حد يقولها تلبس إيه وتعمل إيه وتروح فين،
هي كبيرة كفاية تفهم وتقرر وتعيش بطريقتها من غير وصاية.
بس ده مش معناه إنها مش بتتمنى حد في حياتها،
هي مش محتاجة راجل وخلاص،
هي محتاجة راجل بجد..
راجل يسند، يحتوي، يحترم، ويفهم يعني إيه ست تعبانه بس مبتتكلمش.
راجل يكون ضهر مش عبء، وكتف مش حمل.
راجل يطبطب بدل ما يلوم، ويسمع بدل ما يحكم.
الست مش بتدور على نصها التاني،
هي كاملة..
بس بتدور على راجل يكمل معاها الطريق،
مش يوقفها فيه
