كتب : كريم أحمد
قوة التفكير الإيجابي
قوة التفكير الإيجابي بتكون إنك تقدر تحول المشكلات والأزمات لفرص كبيره جدا تقدر تستفيد منها ،،
يعني لو مثلا بتقابل مشكله في إنك بتتعرض لإنتقادات سلبيه كتير من اقرب الناس ليك إعتبرها فرصه للتعليم والتوجيه ومتبصش ليها بنظره سلبيه في إنك أنت مصدر للمتاعب والمشاكل،،
بتتعرض لمشكلة إن مفيش حد بيقف معاك في وقت المشاكل والأزمات خدها بنظرة إيجابيه إن الأزمات بينت ليك حقيقة طبع الناس اللي مبيكونوش معاك غير في وقت الرخاء وبس،،
بتتعرض لعمليات نصب وإحتيال مالي من بعض المؤسسات خدها بنظرة إيجابيه وهي إنك إكتشفت إن الناس دي مش شغاله كويس وبيشتغلوا شغل مخالف للقوانين العامة وهيبقي دليل ضدهم هما مش ضدك إنت ،،
فكل مشكله هي فرصه وباب لحاجات مفيده كتير ،،
أما لو فكرت في المشاكل بتفكير سلبي هتفضل عندك مشاعر سلبيه كتير بتهاجمك زي اليأس والإحباط والقدرة على عدم الكفاح والمواصله وضعف القدرة على المواجهة ومش هتعرف تحقق أي تقدم في حياتك.
