كتبت:هند جمال
التغافل عن الإساءة المتكررة من أجل إبقاء الود هو قمة الذل والاهانه في حق ذاتك.
في بعض العلاقات اللي بيكون فيها الطرفين واحد بيأذي بصورة مستمرة والتاني بيسامح ويعفي بنفس الإستمرارية عشان بس “العلاقة تفضل”
مفيش سبب يخليك ترهق نفسك وتفضل جاري ورا شخص وتتقبل منه الذلة والإهانة وعدم تقدير المشاعر عشان بس العلاقة دي إنت مش عايزها تنتهي ، أو بسبب انك بتحب الشخص ده ،،
مهما كانت درجة حبك لشخص متسمحش لنفسك تتنازل وتقطع من نفسك عشان يكون بس موجود في حياتك وهو بالمقابل مش بيقدم ليك شي غير الأذى وعدم التقدير ،،
أمشي الدنيا مليانة ناس “سوية نفسيًا ” ،،
كل شخص بيرهقك نفسيًا إبعده ،،
كل شخص بيقلل من قيمتك سيبه ،،
كل علاقة بتخليك تعيش تساؤلات مع نفسك وبتوترك وساحله دماغك انهيها،،
كل شخص بيستنزف من طاقتك إبعد عنه ،،
العلاقات عشان تخفف عننا وننبسط مع بعض ونعيش حياة حلوة ،،
مش عشان تدمر نفسياتنا وتخلينا نعيش في عدم إتزان ،،
والخلاصة،،،
اللى عايزك بجد وعايزك في حياته بيعرف ازاى يحافظ عليك من غير اي مجهود منك.
