كتبت : هند جمال
١٩ نعش في إنتظار شهداء لقمة العيش ببالغ الحزن والاسى نشاطركم الأحزان لأهالينا في المنوفيه وتحديدا قرية كفر السنابسه ثبتكم الله اواكم الله صبركم الله اللهم صبّر كل أم وأب فقد فلذة كبده، وكل زوج وزوجة فُجِع بشريك العمر، وكل ابن وبنت حُرموا من الحضن والأمان.
ثبتكم الله، آواكم الله، صبّركم الله يا أهلنا في المنوفية.
ننعى بقلوب مكلومة وعيون باكية أهالينا في كفر السنابسة.
إنا لله وإنا إليه راجعون.
شهداء لقمة العيش ،،،
رحل السائق ومعه 18فتاة .. اللى مزعلني من الصبح ان العربية دى كانت جايبه عمال بنات و اطفال بيشتغلوا باليوميه فى مصنع فى السادات رايحين يشتغلوا اليوم ب 130ج .. واللي قاهرنى اوووى انهم نازلين شغل يوم الجمعة .. متخيل ظروفهم تبقي عامله ازاي .. متخيل ظروف اهلهم صعبه قد ايه
كل ده بسبب سواق تريلا (عربية نقل) نام والعربيه دخلت منه علي الطريق المعاكس دخل في عربيه ميكروباص دمرها بكل ما فيها .
إنتوا متخيلين ١٨ بنت زي الورد فى عز شبابهم ما بين ١٥ : ٢٢ سنة .
بنات زي الورد شقيانين علشان يوميه ما تزيدش عن ١٣٠ جنيه علشان يساعدوا اهلهم و يجهزوا نفسهم ، إنتوا متخيلين إن بعد صلاة الجمعة طلع ١٩ نعش من مسجد واحد لأنهم كلهم من قرية واحدة ..
آدعوا لهم بالرحمة ، وربنا يصبر أهاليهم ،ونسأل الله الرحمة للشهداء ولذويهم الصبر والسلوان،، إنا لله وإنا إليه راجعون.
